17 a viz Genver 1975. Votet eo lezenn an IVG, an Torr-Dougen Choazet, bet kinniget gant Ministrez ar Yec'hed Simone Veil.

Un deiziad a-bouez eo evit an emsav gwregelour, koulskoude n'eo ket lakaet e-pleustr an diforc'hidigezh en un doare anat en ospitalioù diouzhtu. E Brest, m'o deus asantet buan ar c'hlinikennoù, eo kalz luzietoc'h an traoù en ospital publik brasañ an tro-war-droioù. Nac'hañ a ra un toullad mezeien diforc'hañ ar maouezed, ha degemeret fall-tre e vezont ganto.

Ur vanifestadeg a zo dalc'het neuze d'an 21 a viz Even 1977 dirak an ospital Morvan e Brest, diwar galv strolladoù gwregelour Penn-ar-Bed, kevredigezhioù, sindikadoù ha strolladoù politikel, evit ma vo lakaet e pleustr al lezenn-se ken gortozet.